ჩვენ უკვე განვიხილეთ და გავაკეთეთ დასკვნები კარიერასთან, სამსახურის მოძებნასთან და რეზიუმეს შედგენასთან დაკავშირებულ საკითხებზე. ამჯერად მოდით ვისაუბროთ იმის თაობაზე თუ რა უნდა ვიცოდეთ და გავითვალისწინოთ გასაუბრების გავლის დროს.
დაკვირვებიხართ, როგორ იქცევით დასაქმების თაობაზე გამართულ გასაუბრებაზე? თვითონ ირჩევთ სკამს, თუ ელოდებით, რომ შემოგთავაზონ დაჯდომა? აღელვებულად თუ თვითოეული სიტყვის გააზრებით პასუხობთ დასმულ შეკითხვას? აქცევთ ყურადღებას თქვენ მანერებსა და ჟესტიკულაციას? როგორ ყალიბდება შთაბეჭდილება თქვენ შესახებ და რა ზეგავლენა შეიძლება იქონიოს ამან გასაუბრების შედეგებზე?

დავიწყოთ იმით თუ რა არის კარიერა და რას ნიშნავს ეს სიტყვა? მოდით ჩავიხედოთ რომელიმე განმარტებით ლექსიკონში ან, ვინაიდან ვიმყოფებით კომპიუტერთან, ვნახოთ ”ვიკიპედიაში”. სიტყვა ”კარიერა” (იტალიურიდან carriera - რბენა, ცხოვრების გზა, ასპარეზი) ყველაზე მოკლე განმარტებით ნიშნავს: სამსახურებრივი საფეხურებით ასვლას, წარმატებას ცხოვრებაში. ახალგაზრდა თაობის წარმოდგენაში აისახება ულტრათანამედროვე ფორმულით: სამსახური - წარმატება - ფული - კეთილდღეობა.